Aqmola oblysynda 71 myńnan astam turǵynǵa tumaýǵa qarsy ekpe salyndy

KÓKShETAÝ. QazAqparat – Aqmola oblysynda turǵyndarǵa tumaýǵa qarsy ekpe salý naýqany jalǵasyp jatyr. Qazirgi kezde 71 myńnan astam aqmolalyqqa vaktsına egildi, dep habarlaıdy QazAqparat tilshisi.

Oblystyq densaýlyq saqtaý basqarmasynyń málimetinshe, 73,7 mıllıon teńgege tumaýǵa qarsy 73 138 doza «Grıppol Plıýs» vaktsınasy satyp alynǵan. Óńirde bul vaktsına 5 jyldan astam ýaqyt boıy qoldanylyp keledi. Alaıda, atalǵan mólsher oblys halqynyń tek 9,8 paıyzyna jetedi. Sonymen birge, qosymsha taǵy 2 500 vaktsına satyp alynbaq.

Tumaýdyń aldyn alýdyń eń utymdy joly – vaktsınatsııa. Halyq arasynda tumaýdyń jappaı taralýyn boldyrmaý jáne organızmde «ımmýndyq qabat» qurylýy úshin jalpy halyqtyń keminde 10 paıyz ekpe alýy qajet. Vaktsına tumaýǵa qarsy ımmýnıtettiń joǵary deńgeıin qalyptastyrady.

«Qazirdiń ózinde 71 361 myń aqmolalyq tumaýǵa jáne maýsymdyq aýrýlarǵa qarsy ekpe aldy, onyń 8 265-i – 2-10 jas aralyǵyndaǵy balalar. Sonymen birge, jabyq úlgidegi mekemelerde (balalar úıi, mektep ınternattary, balalarǵa/múgedekterge arnalǵan ınternattar) – 416 adam, 284 – júkti áıel egildi, al qarttar men múgedekter úıleriniń kontıngenti – 1 040, sozylmaly aýrýlary bar eresekter – 21 342. Bul baǵyttaǵy jumystar odan ári jalǵasady», - deıdi oblystyq densaýlyq saqtaý basqarmasynyń baspasóz qyzmetinen.

Vedomstvodan atap ótkendeı, vaktsınatsııadan keıingi qorǵanys áseri, ádette 8-12 kúnnen keıin paıda bolyp, 12 aıǵa deıin saqtalady. Adamnyń jas ereksheligine qaraı vaktsınatsııadan keıin tumaý vırýsyna qarsy antıdenelerdiń qorǵanys tıtrleriniń deńgeıi 75-95 paıyz bolýy tıis.

«Oblysta esepte turǵan 73 138 adamnyń barlyǵy da ekpe alýy tıis. Bul – sozylmaly aýrýlary bar adamdar, medıtsına qyzmetkerleri jáne júktiliktiń 2-3 trımestrindegi áıelder, jabyq mekemelerdegi adamdar», - dep tolyqtyrdy basqarmanyń baspasóz qyzmetinen.

Aıta ketsek, budan buryn Aqmola oblystyq aýrýhanasynda emdeý sharalary qalaı júzege asyrylyp jatqandyǵyn jazǵan edik.