Aqmola oblysynda 650-den astam adamdy kene shaqty
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, bıylǵy jyldyń jeti aıynda óńirde kene entsefalıtiniń tórt jaǵdaıy jáne kene borrelıozynyń bir jaǵdaıy tirkeldi. Oblysta endemıkalyq aýdan Sandyqtaý aýdany, onda tek eki jaǵdaı tirkeldi, Býrabaı aýdany men Kókshetaýda bir birden. Al Zerendi aýdanynda kene borrelıozy anyqtalyp otyr.
«Sáýir aıynan bastap óńirde 655 adamdy kene shaqqany anyqtaldy, onyń 247-si bala. Eger ótken jylmen salystyratyn bolsaq, onda osy ýaqyt ishinde tek 427 jaǵdaı tirkelgen. Búgingi kúni kene shaǵý jaǵdaıy Kókshetaýda – 221, Býrabaı aýdanynda – 171, Sandyqtaý aýdanynda – 78, Zerendi aýdanynda – 61, qalǵan aýdandarda 1-den 20-ǵa deıin tirkeldi. Ótken aptada kene shaǵýdyń 11 jaǵdaıy tirkeldi», - deıdi oblystyń bas memlekettik sanıtarlyq dárigeri Aınagúl Mýsına.
Aıta ketsek, Aqmola oblysynda jyl basynan beri 21 adam salmonellez ınfektsııasyn juqtyrǵan edi.