Aqmola oblysynda 5300 otbasyǵa baspana beriledi
QR Indýstrııa jáne ınfraqurylymdyq damý mınıstrliginiń málimetine sáıkes, bıyl birinshi toqsanda oblysta turǵyn úı qurylysyna 13,9 mlrd teńge ınvestıtsııa salynyp, 151 myń sharshy metr nemese 1348 baspana paıdalanýǵa berildi. Bul, 2019 jyldyń sáıkes kezeńimen salystyrǵanda 3,7% kóp.
Bıyl oblysta «Nurly jer» baǵdarlamasy sheńberinde ınjenerlik-kommýnıkatsııalyq ınfraqurylym jáne turǵyn úı qurylysy salasynda 10,4 mlrd teńge somasyna 49 joba iske asyrylyp, 595 jumys orny ashylady.
«Jalpy aýdany 49,4 myń sharshy metr bolatyn jalǵa beriletin jáne kredıttik turǵyn úı nemese 1002 páterdi paıdalanýǵa berý josparlanǵan. Onyń ishinde satyp alý quqyǵynsyz jalǵa beriletin úı qurylysyna 2,9 mlrd teńge jumsalyp, 21 joba iske asyrylady. Bıylǵy birinshi toqsanda ákimdikke 178,7 mln teńge aýdarylyp, onyń 77,2% ıgerilgen. 13,9 myń sharshy metr jalǵa beriletin turǵyn úıdi nemese 290 páterdi paıdalanýǵa berý josparlansa, esepti kezeńde onyń 150 páteri salyndy. Jalǵa beriletin turǵyn úı qurylysynda 202 jumys orny ashylady», - delingen mınıstrlik aqparatynda.
Kredıttik turǵyn úı qurylysynda 13 jobany iske asyrý úshin 5,6 mlrd teńge qarastyrylǵan. Birinshi toqsanda 1,2 mlrd teńge mólsherinde oblıgatsııalar shyǵaryldy. 35,5 myń sharshy metr turǵyn úıdi nemese 712 páterdi paıdalanýǵa berý josparlanǵan. 250 jumys orny ashylady.
Sondaı-aq, «Nurly jer» aıasynda 2% nesıemen «Baqytty otbasy» baǵdarlamasyn iske asyrýǵa bıyl respýblıkalyq bıýdjetten 181 turǵyn úı úshin 1,8 mlrd teńge qarastyrylǵan.