Aqmola oblysynda 5 jasar bala abaısyzda terezeden qulap ketti

KÓKShETAÝ. QazAqparat – Aqmola oblysynda 5 jasar bala abaısyzda ekinshi qabattaǵy terezeden qulady, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, jazataıym oqıǵa Arshaly aýdanynda bolǵan. Bul týraly Arshaly aýdandyq PB kezekshilik bólimine aýyldyq okrýg felsheri habarlasyp, dárigerlik ambýlatorııaǵa 2018 jylǵy kámelettik jasqa tolmaǵan balanyń túrli dene jaraqatymen túskenin habarlaǵan.

«Belgili bolǵandaı, bes jasar bala ákesimen úıinde bolǵan. Ekinshi qabatqa kıimin aýystyrý úshin kóterilgen. Óz bólmesiniń terezesinen qaramaqshy bolyp, abaısyzda qulap ketti», - dedi vedomstvodan.

Tártip saqshylary balanyń ata-anasymen profılaktıkalyq áńgime ótkizdi.

Osy rette, balalardyń terezeden qulap ketýine baılanysty jazataıym oqıǵalardyń aldyn alý úshin ata-analarǵa balalardy terezeleri ashyq bólmede qaraýsyz qaldyrmaýǵa keńes beredi.

Aıta ketsek, budan buryn Aqmola oblysynda 3 jasar sábı tórtinshi qabattaǵy terezeden qulap ketkenin jazǵan edik.