Aqmola oblysynda 47 jastaǵy naýqas er adam izdestirilýde

KÓKShETAÝ. QazAqparat - Aqmola oblysynyń Kýpchanovka aýylyndaǵy arnaıy áleýmettik kómek kórsetý ortalyǵynan ketip qalǵan 47 jastaǵy naýqas er adam izdestirilýde, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, Sergeı Ivanovıch Shývalovtyń joǵalǵandyǵy týraly 27 mamyrda saǵat 12:40 shamasynda habarlanǵan.

«Anyqtalǵandaı, er adam Kýpchanovka aýylyndaǵy arnaıy áleýmettik kómek kórsetý ortalyǵynda emdelip jatqan. Sol kúni saǵat 10:00 shamasynda mekeme aýmaǵynan óz erkimen ketip qalǵan. Qazirgi kezde ony izdeý sharalary júrgizilýde. Onyń sýreti men ol týraly derekter polıtsııanyń aýmaqtyq bólimshelerine jiberildi», - dedi vedomstvodan.

Joǵalǵan er adam ústine sur fýtbolka, qara trıko jáne aq tústi beısbolka kıgen. Tártip saqshylary Sergeıdiń júrgen jerin biletin nemese kórgen adamdar bolsa, dereý quqyq qorǵaý organdaryna habarlaýdy suraıdy.

Aıta ketsek, on eki kún buryn joǵalǵan kókshetaýlyq ormannan tabyldy.