Aqmola oblysynda 4 jasar balanyń denesi káriz qudyǵynan tabyldy
Aqmola oblystyq polıtsııa departamenti baspasóz qyzmetiniń málimetinshe, sáýirdiń 8-de saǵat 22:00 Tselınograd aýdandyq PB-ne Qaraótkel aýylynyń turǵyny habarlasyp, 4 jasar ulyn izdep tabýǵa kómek suraǵan. Ata – anasynyń sózinshe, bala saǵat 17:30 úı aýlasyna oınaýǵa shyqqan eken.
«Polıtsııa qyzmetkerleri dereý izdestirý sharalaryn qolǵa aldy, sonyń nátıjesinde balanyń denesi úıdiń janynda ornalasqan káriz qudyǵynan tabyldy. Qazirgi ýaqytta polıtseıler qaıǵyly oqıǵanyń mán-jaıyn anyqtaý boıynsha qajetti tergeý is-sharalaryn júrgizýde. Tergeý qorytyndysy boıynsha protsessýaldyq sheshimi qabyldanady», - dedi QazAqparat tilshisiniń saýalyna PD baspasóz qyzmetinen.
Aıta ketsek, budan buryn Aqmola oblysynda sýǵa batyp ketken traktordyń júrgizýshisi izdestirilip jatqandyǵy jarııalanǵan edik.