Aqmola oblysynda 3 adam quldyqtan qutqaryldy

NUR-SULTAN. QazAqparat – Aqmola oblysynda Nur-Sultan qalasynan 3 adamdy aldap aparyp, kartop qazý jumystaryna salý faktisi boıynsha qylmystyq is qozǵaldy, habarlaıdy QazAqparat tilshisi.

Bul týraly Іshki ister mınıstrligi Krımınaldyq polıtsııa departamenti bastyǵynyń orynbasary Qanat Nurmaǵambetov vedomstvonyń aqparat alańynda aıtty.

«Aqmola oblysynda úsh er adamdy zańsyz bas bostandyǵynan aıyrý áreketi anyqtaldy. Olardy Nur-Sultan qalasynan aldap shyǵaryp, qyrkúıektiń basynan beri jaýapkershiligi shekteýli seriktestikterdiń birinde kúshtep jumysqa salǵan. Er adamdar baqshadan qazylǵan kartopty irikteýge tartylǵany annyqtaldy. Olarǵa kún saıynǵy jumystary úshin 8-10 myń teńge qolma-qol aqsha tóleýge ýáde berilgen», - dedi ІІM ókili.

Onyń aıtýynsha, ýáde etilgen aqsha tólenbegen.

«Zardap shegýshiler konteınerde túnep, táýligine 12-13 saǵat jumys istep kelgen. Úıge qaıýǵa árekettengenimen, kúsh qoldanyp, qorqytý arqyly zańsyz ustalǵan. Bul fakti boıynsha qylmystyq kodekstiń 128-babyna sáıkes (adam satý) is qozǵaldy», - dedi Qanat Nurmaǵambetov.