Aqmola oblysynda 28 myńǵa jýyq adam tumaýǵa qarsy ekpe aldy
«Tumaýdyń aldyn alýdyń eń utymdy joly – vaktsınatsııa. Halyq arasynda tumaýdyń jappaı taralýyn boldyrmaý jáne organızmde «ımmýndyq qabat» qurylýy úshin jalpy halyqtyń keminde 10 paıyz ekpe alýy qajet. Vaktsına tumaýǵa qarsy ımmýnıtettiń joǵary deńgeıin qalyptastyrady. Qazirdiń ózinde 27681 myń aqmolalyq tumaýǵa jáne maýsymdyq aýrýlarǵa qarsy ekpe aldy, onyń 2672-i 2-10 jas aralyǵyndaǵy balalar. Sonymen birge, jabyq úlgidegi mekemelerde (balalar úıi, mektep ınternattary, balalarǵa/múgedekterge arnalǵan ınternattar) – 158 adam, 98 – júkti áıel, qarttar men múgedekter úıleriniń kontıngenti – 758, sozylmaly aýrýlary bar eresekter – 8322. Bul baǵyttaǵy jumystar odan ári jalǵasýda», – deıdi oblystyq densaýlyq saqtaý basqarmasynyń baspasóz qyzmetinen.
Dárgerlerdiń aıtýynsha, vaktsınatsııadan keıingi qorǵanys áseri, ádette, 8-12 kúnnen keıin paıda bolyp, 12 aıǵa deıin saqtalady. Adamnyń jas ereksheligine qaraı vaktsınatsııadan keıin tumaý vırýsyna qarsy antıdenelerdiń qorǵanys tıtrleriniń deńgeıi 75-95 paıyzdy quraýy tıis.
«Oblysta esepte turǵan 73138 adamnyń barlyǵy da ekpe alýy tıis. Bul sozylmaly aýrýlary bar adamdar, medıtsına qyzmetkerleri jáne júktiliktiń 2-3 trımestrindegi áıelder, jabyq mekemelerdegi adamdar», – dep tolyqtyrdy basqarmanyń baspasóz qyzmetinen.
Aıta ketsek, Aqmola oblysynda tumaýǵa qarsy 73138 doza «Grıppol Plıýs» vaktsınasy satyp alynǵan edi. Bul mólsher oblys halqynyń tek 9,8 paıyzyna jetedi. Óńirde bul vaktsına 5 jyldan astam ýaqyt boıy qoldanylyp keledi.