Aqmola oblysynda 24 mıllıon teńgeniń geroıni tárkilendi

KÓKShETAÝ. QazAqparat - Aqmola oblysynda esirtki saýdasymen aılanysqan kúdiktilerden 1,5 keli esirtki tárkilendi. Bul - aqshamen eseptegende 24 mıllıon teńge. Bul týraly Aqmola oblysy PD esirtki qylmysyna qarsy is-qımyl basqarmasynyń bastyǵy Meıram Jabasov aıtty, dep habarlaıdy QazAqparat tilshisi.

Aqmola oblysynyń turǵyny, 37 jastaǵy er adam jáne Nur-Sultan qalasynyń turǵyny - 58 jastaǵy áıel ustaldy.

Olardan 1 kılogramm 400 gramm «geroın» tárkilendi. Bul - bir rettik bes myń doza.

«Osyǵan baılanysty Qylmystyq kodekstiń 297-babynyń 3 bóligi boıynsha (esirtki zatyn zańsyz satyp alý, saqtaý, tasymaldaý, ótkizý maqsatynda aldyn ala sóz baılasý arqyly adamdar toby jasaǵan) qylmystyq is qozǵaldy», - dedi Meıram Jabasov.

Kúdiktiler múlkin tárkileýmen birge 10 jyldan 15 jylǵa deıin bas bostandyǵynan aıyrylýy múmkin.

Qazirgi kezde kúdiktiler ýaqytsha ustaý oqshaýlaǵyshyna qamalǵan.