Aqmola oblysynda 176 kópbalaly otbasy baspana alady

KÓKShETAÝ. QazAqparat - Bıylǵy jyldyń alty aıynda Aqmola oblysynda «Nurly jer» baǵdarlamasy boıynsha 323 myń sharshy metr úı berilip, 3 myń otbasy baspanaly boldy. Bul týraly Óńirlik kommýnıkatsııalar qyzmetinde ótken brıfıngte Aqmola oblystyq Qurylys basqarmasy basshysynyń orynbasary Elena Ysqaqova aıtty, dep habarlaıdy QazAqparat tilshisi.

Basqarma basshysy orynbasarynyń aıtýynsha, «Nurly jer» baǵdarlamasy qolǵa alynǵan 2017 jyldan beri, oblysta barlyǵy 1227,4 myń sharshy metr páter paıdalanýǵa berilgen. Qazirgi kezde turǵyn úı qurylys jınaqtaý júıesimen jaldamaly jáne nesıe arqyly beriletin baspanalardyń qurylysy júrgizilýde.

«Bıylǵy jylǵa oblysta turǵyn úı qurylysy úshin 12,5 mıllıard teńge qarjy baǵyttaldy. Onyń 10,1 mıllıard teńgesi respýblıkalyq, 2,4 mıllıard teńgesi oblystyq bıýdjet esebinen qarjylandyrylyp otyr», - deıdi Elena Ysqaqova.

Brıfıngte aıtylǵandaı, bıylǵy jyly Aqmola oblysynda 501,9 myń sharshy metr baspana nemese 5 myńnan astam páter paıdalanýǵa berý josparlansa, alty aıdyń qorytyndysy boıynsha 323 myń sharshy metr turǵyn úı berilip, 3 myń otbasy baspanaly boldy.

Bıyl sondaı-aq, naýryz aıynan bastap, áleýmettik jaǵynan az qamtylǵan otbasylardy baspanamen qamtamasyz etý baǵdarlamasy bastaý aldy. Kópbalaly otbasylardyń jaldamaly baspana alýyna jáne turǵyn úı qurylysy úshin respýblıka boıynsha óńirlerge 50 mıllıard teńge qarjy bólý kózdelgen. Osy baǵytta jalpy 7 jyl ishinde 350 mıllıard teńge qarjy bólý qarastyrylyp otyr. ıAǵnı, bul, jyl saıyn kópbalaly 6 myń otbasyn pátermen qamtamasyz etýge múmkindik beredi.

«Bıyl Aqmola oblysyna respýblıkalyq bıýdjet esebinen áleýmettik jaǵynan az qamtylǵan otbasylardy baspanamen qamtamasyz etý úshin 1,4 mıllıard teńge qarjy bólindi. Onyń ishinde 1,2 mıllıard teńgesi kópbalaly otbasylarǵa salynatyn jaldamaly turǵyn úıdiń qurylysyna, 220,4 mıllıon teńgesi kópbalaly otbasylarǵa jaldamaly turǵyn úıdi satyp alý úshin kózdelgen. Jaldamaly turǵyn úı qurylysy jáne jaldamaly turǵyn úı satyp alý baǵyttaryn júzege asyrý sheńberinde jyl sońyna deıin oblys boıynsha barlyǵy 176 kópbalaly otbasyn baspanamen qamtamasyz etý josparlanyp otyr», - deıdi Elena Ysqaqova.

Sonymen qatar, basqarma basshysynyń orynbasary «Aqmola jastary» baǵdarlamasy boıynsha jobalyq-smetalyq qujattamalardy ázirleý úshin oblystyq bıýdjetten 200 mıllıon teńge qarjy bólinip otyrǵanyn atap ótti.