Aqmola oblysynda 17 jastaǵy jasóspirim qyz sýǵa batyp ketti
21:28, 02 Maýsym 2023
KÓKShETAÝ. QazAqparat - Aqmola oblysynda 17 jastaǵy jasóspirim qyz sýǵa batyp ketti. Polıtsııa oqıǵanyń mán-jaıyn tekserip jatyr, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, qaıǵyly oqıǵa maýsymnyń 1-de Tselınograd aýdany aýmaǵyndaǵy Esil ózinde bolǵan.
«Belgili bolǵandaı, sýǵa batqan jasóspirim Tselınograd aýdanyna tórt adamnan turatyn bıshi qyzdar quramynda kelgen. Talapker jáne Nura-Esil aýyldary arasynda Esil ózenine shomylǵan. Polıtsııa qyzmetkerleri sot-medıtsınalyq saraptama taǵaıyndap, oqıǵanyń mán-jaıyn anyqtap jatyr. Sonyń qorytyndysy boıynsha protsessýaldyq sheshim qabyldanatyn bolady», - dedi vedomstvodan.
Aıta ketsek, budan buryn Aqmola oblysynda konveıer lentasy qolyn julyp ketken jumysshy qaıtys bolǵanyn jazǵan edik.