Aqmola oblysynda 1500 dombyrashy bir mezette kúı tartty

KÓKShETAÝ. QazAqparat – Aqmola oblysynda Ulttyq dombyra kúnine oraı 1 myńnan astam is-shara ótkizildi, dep habarlaıdy QazAqparat tilshisi.

Aqmola oblysynyń mádenıet basqarmasy baspasóz qyzmetiniń málimetinshe, oblystyq halyq shyǵarmashylyǵy jáne mádenı demalys ortalyǵynyń uıymdastyrýymen Dombyra kúnine jáne qazaqtyń uly kúıshi-kompozıtory Qurmanǵazy Saǵyrbaıulynyń 205 jyldyǵyna arnalǵan «Kúmbirlegen kúmis kúı» atty oblystyq baıqaý ótken.

Eki kezeńnen quralǵan baıqaýǵa Aqkól, Astrahan, Atbasar, Bulandy, Býrabaı, Jaqsy, Zerendi, Qorǵaljyn, Shortandy aýdandary men Stepnogorsk, Qosshy jáne Kókshetaý qalalarynan barlyǵy 18-35 jas aralyǵyndaǵy 20-dan astam kúıshi qatysty.

«2 shilde – Ulttyq dombyra kúnine oraı Kókshetaý qalasyndaǵy Abylaı han alańynda 1,5 myń ónerpazdardyń qatysýymen «Dombyra» atty flesh-mob ótti. Onda oblysymyzdyń kásibı dombyrashylary, Úkili Ybyraı atyndaǵy Aqmola oblystyq fılarmonııasynyń K.Kúmisbekov atyndaǵy qazaq ulttyq aspaptar orkestri, Kókshetaý qalasynyń Birjan Sal atyndaǵy mýzykalyq kolledji, Aqan Seri atyndaǵy joǵary mádenıet kolledjiniń, qala mektepteriniń, Aqkól, Býrabaı, Atbasar, Egindikól, Jaqsy, Tselınograd, Sandyqtaý, Qorǵaljyn, Bulandy, Shortandy, Zerendi aýdandary men Kókshetaý, Qosshy qalasynyń birlesken dombyrashylar ansambli men kúı mektebiniń shákirtteri birlesip, qazaq halyq kompozıtorlarynyń kúılerin bir mezette oryndady», - dedi basqarmanyń baspasóz qyzmetinen.

Uıymdastyrýshylardyń aıtýynsha, aýqymdy óner merekesine Kókshetaý («Danııarova» JK, «Kalıeva B.A.» JK, «Gýlbaný Gýmýrzakova» JK), Qosshy («Óner-2012» JK) qalalary, Qoıandy («Rahım» JK, «Nurıslam» JK), Órkendeý («Adal Nıet Astana») eldi mekenderiniń memlekettik shyǵarmashylyq tapsyrys aıasynda qyzmet kórsetetin dombyra mektepteri men úıirmeleri de belsendi atsalysty.