Aqmola oblysynda 15 jastaǵy qyz ózine qol saldy
Oblystyq polıtsııa departamenti baspasóz qyzmetiniń málimetinshe, bıylǵy jylǵy qarashanyń 6-da Astrahan aýdandyq polıtsııanyń kezekshi bólimine aýdandyq ortalyq aýrýhananyń feldsherinen Astrahan aýylyndaǵy óz úıiniń aýlasyndaǵy sharýashylyq qurylysta 15 jastaǵy jasóspirimniń asylyp qalǵandyǵy týraly telefon habary tústi.
«Saraptama taǵaıyndaldy. Osy oqıǵaǵa baılanysty Qylmystyq kodekstiń 105-shi babynyń 3-shi bóligi «ózin-ózi óltirýge deıin jetkizý» boıynsha sotqa deıingi tergeý bastaldy. Tergeý júrip jatyr», - dep túsindirdi vedomstvodan.
Aqmola oblysy bilim basqarmasy basshysynyń orynbasary Botakóz Dúısenovanyń aıtýynsha, bul jyl basynan beri aqmolalyq oqýshylar arasynda sýıtsıdtiń segizinshi oqıǵasy. Aıaqtalmaǵan sýıtsıd áreketteri-21.
«Biz ıÝNISEF baǵdarlamasy arqyly 2016 jyldan bastap jumys isteı bastadyq. 2016-2017 jyldary bir deńgeıde boldy – jylyna jasóspirimder arasynda jasalǵan sýıtsıd sany - 14. 2018 jyly 9 sýıtsıd boldy, 2019 jyly-tórt sýıtsıd. Quldyraý boldy, biraq ótken jyly pandemııa bastalyp, balalar úıde otyrǵanda, kúrt ósý bastaldy», - dedi ol.
Aıta ketsek, ótken jyly Aqmola oblysynda oqýshylar arasynda sýıtsıdtiń toǵyz jaǵdaıy tirkeldi.