Aqmola oblysynda 139 mektep jóndeldi

KÓKShETAÝ. QazAqparat - Aqmola oblysynda bilim berý nysandaryn jóndeý jáne qalpyna keltirý jumystary júrgizilýde. Bıylǵy jyly «Jumyspen qamtýdyń jol kartasy - 2020» baǵdarlamasy jáne «Aýyl - el besigi» arnaıy jobasy boıynsha 148 bilim berý nysanyna qarjy bólindi, dep habarlaıdy Qazaqparat tilshisi oblystyq ishki saıasat basqarmasyna silteme jasap.

Oblystyq bilim basqarmasynyń málimetinshe, búgingi tańda oblysaǵy 28 mektepke kúrdeli jóndeý, 111 aǵymdaǵy jóndeý jumystary júrgizildi. Jaqynda «Jumyspen qamtýdyń jol kartasy - 2020» baǵdarlamasy sheńberinde Zerendi orta mektebine júrgizilgen kúrdeli jóndeý jumystary aıaqtaldy. Jóndeý jumystary barysynda nysannyń aýmaǵy abattandyrylyp, beder tas tóseldi. Sonymen birge, jergilikti 38 jumysqa ornalasty.

«Mektep synyptary jaryq, jańa tereze ornatyldy. Ásirese, karantındik sharalar kezinde terezeni ashyp, bólmeniń ishin jeldetýge qolaıly. Synyptardyń esikteri de aýystyryldy. Jańartylǵan lınoleýmde kózge túsedi», - deıdi Shaǵalaly orta mektebiniń muǵalimi Nurbot Súleımenov.

Aıta ketsek, jyl sońyna deıin oblystaǵy 9 mektepte jóndeý jumystaryn aıaqtaý josparlanǵan.