Aqmola oblysyna qarasty eki aýyldyq okrýgtiń ataýy ózgeredi
02:31, 15 Naýryz 2023
ASTANA. QazAqparat – Aqmola oblysy Bulandy aýdanyna qarasty eki aýyldyq okrýgke qazaqsha ataý berilýi múmkin. Bul týraly «Ashyq» NQA portalynda jarııalanǵan atalǵan óńir ákimdigi men maslıhatynyń sheshim qujatynda jazylǵan, dep habarlaıdy QazAqparat tilshisi.
Tıisti sheshimmen endi Aqmola oblysy Bulandy aýdanynyń Ergolka aýyldyq okrýgi – Toqtamys, al Karamyshevka aýyldyq okrýgi Shubaraǵash bolyp ózgertiledi.
«Bul sheshim ıdeologııalyq turǵydan eskirgen ataýlary bar eldi mekender men olardyń quramdas bólikterin qaıta ataý jónindegi 2022-2025 jyldarǵa arnalǵan Jol kartasyn oryndaý maqsatynda usynyldy», - dep túsindirme berilgen sheshimge.
Qujat 29 naýryzǵa deıin ashyq talqylaýda bolady.
Eske sala ketsek, buǵan deıin Aqmola oblysynyń Birlik aýyldyq okrýgine qarasty úsh, Bulandy aýdanyna enetin bir eldi mekenniń ataýy ózgeretinin habarlap edik. Jalpy, byltyr bul óńirde 11 aýyl men 90 kóshege qazaqsha ataý berildi.