Aqmola oblysy Sandyqtaý aýdanynda Open space formatynda keńse ashyldy

AQMOLA. QazAqparat - Aqmola oblysynyń Sandyqtaý aýdanynda Open space formatynda birinshi keńse ashyldy. Atalǵan kabınet aýdan ákiminiń apparatynda ornalasqan jáne azamattardy qabyldaý, ótinishterdi jedel qaraý, sondaı-aq keńes berý úshin arnalǵan, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

Aıta ketý kerek, qazirgi tańda Aqmola óńirinde ashyq keńistik kabınetteri aýmaqtyq Polıtsııa departamenti, Kókshetaý qalalyq soty, QR Memlekettik qyzmet isteri agenttiginiń oblystyq departamenti, QR Prezıdenti janyndaǵy Memlekettik basqarý akademııasynyń fılıaly sııaqty mekemelerde, sondaı-aq oblystyń kóptegen aýdandarynda jumys isteıdi. Óńirde barlyǵy Open space jáne Front office formatynyń 58 kabıneti jumys isteıdi.

Aıta ketý kerek, Memleket basshysy óz Joldaýynda halyqtyń qajettiligine baǵyttalǵan memlekettik apparatty qalyptastyrý qajettigin atap ótti. Bul oraıda, «ashyq» kabınetterdiń jumys isteý qaǵıdaty halyqpen kommýnıkatsııany jeńildetýge jáne azamattar úshin ashyqtyq pen qoljetimdilikti qamtamasyz etýge múmkindik beredi.