Aqmola oblysy mádenıet basqarmasynyń basshysy 15 mln teńge para aldy dep kúdiktelýde

NUR-SULTAN. QazAqparat - «Aqmola oblysynyń mádenıet, arhıvter men qujattamalar basqarmasy» MM basshysyna qatysty iri kólemde para aldy degen kúdikke ilindi. Bul týraly QazAqparat Agenttiktiń baspasóz qyzmetine silteme jasap habarlaıdy.

«Sheneýnik 2019 jyldyń mamyr - qazan aılary aralyǵynda «Rýhanı jańǵyrý» memlekettik baǵdarlamasy aıasynda Aqmola oblystyq ólketaný murajaıy men M.Ǵabdýllın atyndaǵy murajaıdyń ekspozıtsııasyn jańartý boıynsha oryndalǵan jumystar aktilerine qol qoıǵany úshin kásipkerden birneshe ret jalpy somasy 15 mln teńge mólsherinde para aldy degen kúdikke ilinip otyr», - delingen habarlamada.

28 qazan kúni paranyń qalǵan 5 mln. 700 myń teńge somasyn alý kezinde kúdikti qylmys ústinde ustalyp, Kókshetaý q. PB-nyń ýaqytsha ustaý ızolıatoryna qamaldy.

Bultartpaý sharasyn tańdaý týraly másele sheshilýde.

Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady.