Aqmola oblysy QHA-nyń izgi ister estafetasyn qabyldap aldy
«Qurmetti dostar, sizderdi búgin ashylyp otyrǵan Qazaqstan halqy Assambleıasy jylymen quttyqtaımyn. Bul elimizdegi úlken mereke. Búgin biz "20 izgi is" estafetasyn bastaımyz. Estafeta sımvoly Taıqazan Túrkistan qalasynan Astanaǵa jetkizildi jáne búgin ony elordalyq Assambleıa 20 izgi ispen toltyrdy", - dep atap ótti Á. Jaqsybekov. Osydan keıin ol Taıqazandy Aqmola oblysynyń ákimi Sergeı Kýlagınge tabystady. "Búgin - bizde naǵyz mereke. Post keńestik elderdiń ishinde búginde tek bizde ǵana birlik pen beıbitshilik ústemdik quryp tur. QHA - bizdiń maqtanyshymyz, eń basty qundylyǵymyz", - dep atap ótti S. Kýlagın Taıqazandy qabyldap alǵan soń. Aıta keteıik, QHA izgi isteriniń sımvoly retinde Taıqazandy tańdaýdyń ózindik sebepteri bar. Ol yqylym zamandardan adamdardy birlikke shaqyryp, bir dastarhan basyna toǵystyra bilgen. Taıqazan - birlik pen berekeniń, toqshylyq pen molshylyqtyń belgisi.