Aqmola oblysy bilim berý salasynyń esepshileri 83 mln teńgeden astam qarjy urlady degen kúdikke ilindi

ASTANA. QazAqparat - Aqmola oblysynyń bilim berý salasynyń býhgalterleri asa iri mólsherde aqsha urlady degen kúdikke ilindi, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, Bulandy balabaqshasynyń býhgalteri kásipkerlermen oıdan shyǵarylǵan mámileler jasaı otyryp, týystarynyń shottaryna aqsha aýdarǵan.

Aýdarymdardyń shynaıylyǵyn kórsetý úshin býhgalter taýarlardy jetkizýge kelisim-sharttar jasalǵan kásiporyndardyń ataýlaryn kórsetken.

Banktik shottar onyń jaqyn týystaryna rásimdelip, býhgalter jumys istegen kezeńde barlyǵy 47 mln. teńge aýdaryldy.

Ekinshi jaǵdaıda Stepnogorsk qalasynyń mektepteriniń birinde anyqtaldy, tergeýdiń nusqasy boıynsha býhgalter óz shotyna 36 mln. teńge jalaqy retinde aýdarǵan.

Osy faktiler boıynsha qylmystyq ister QK-niń 189-baby, 2-tarmaǵynyń 4-bóligi (asa iri mólsherde urlaý) boıynsha tirkelip, Aqmola oblystyq prokýratýrasynyń arnaıy prokýrorlary men Aqmola oblysy boıynsha Ekonomıkalyq tergeý departamentiniń ókilderi tergep jatyr.

Osy bap boıynsha jaza belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 12 jylǵa deıin bas bostandyǵynan aıyrýdy kózdeıdi.