Aqmola oblysy Ashyq pılottyq jobasyna qosyldy
Vedomstvonyń málimetinshe, Ashyq mobıldi qosymshasy eldegi epıdemıologııalyq jaǵdaıdy baqylaý úshin jasalǵan. Onyń kómegimen qoǵamdyq oryndarǵa kirý kezinde kelýshiniń mártebesi anyqtalady. Aqmola oblysy sanıtarlyq-epıdemıologııalyq baqylaý departamentiniń basshysy Aınagúl Mýsına men departament basshysynyń orynbasary Sáýle Sádýaqasova alǵashqynyń biri bolyp telefonǵa osy mobıldi qosymshany ornatyp, óz baǵasyn berdi.
«QR Bas memlekettik sanıtarlyq dárigeriniń 2021 jylǵy 14 sáýirdegi № 13 qaýlysyna sáıkes Ashyq pılottyq jobasyna Aqmola oblysy da qosyldy. Qosymsha PTR-dyń jalpy bazasymen biriktirilgen, bul jeke tulǵanyń kontaktisi nemese naýqastar sanatyna jatatyndyǵyn dál anyqtaýǵa múmkindik beredi», - dep túsindirdi A.Mýsına.
Vedomstvodan atap ótkendeı, qosymsha jumysynyń máni árbir kásipkerlik sýbektisine jeke QR kod beriledi (nysanǵa, eger kirý orny birnesheý bolsa kod olardyń árqaısysyna beriledi). Kelýshi qosymshany júktep alady jáne QR kodty skanerlegen kezde úı-jaıǵa kire beriste olardyń mártebesi ınfektsııanyń tasymaldaýshysy retindegi qaýiptilik deńgeıi anyqtalady.
«Jeke tulǵa úshin barlyǵy tórt mártebe qarastyrylǵan: qyzyl, sary, kók jáne jasyl. Qyzyl mártebe qozǵalysty shekteýdi, ambýlatorııalyq baqylaýdaǵy adamdar úshin úıdie oqshaýlaýdyń qatań rejımin saqtaýdy bildiredi. Sary - qozǵalysty ishinara shekteý-paıdalanýshy PTR derekqorynda naýqaspen baılanysty tulǵa retinde kórsetilgen: patsıent úıden oqshaýlaý rejımin saqtaıtyn jerden 500 metrden aspaıtyn azyq-túlik jáne apparattyq dúkenderge, dárihanaǵa barýǵa ruqsat etiledi. Kók mártebe úshin PTR mindetti bolatyn jerlerden basqa qozǵalys shekteýi joq. Jasyl kúı qozǵalysta eshqandaı shekteý joq ekenin bildiredi jáne bul paıdalanýshy derekqorda COVID teris nátıjesi bar PTR testileýden ótken adam retinde kórsetilgen. Ashyq qosymshasyn paıdalaný kásipkerlik sýbektilerin sanıtarlyq normalardy saqtaýdan bosatpaıdy. Biraq sonymen birge kelýshilerdiń juqtyrý qaýpi az bolady», - dep túsindirdi departament.