Aqmola oblysy AQSh kompanııalarymen áriptestik baılanys ornatpaq
Kezdesýde mal sharýashylyǵyn damytý, aýyl sharýashylyǵy ónimderin óńdeý jáne aýyl sharýashylyǵy salasy ınfraqurylymyna qyzmet usyný máseleleri talqylandy. Kezdesýge qala jáne aýdan ákimderi, basqarma basshylary, aýyl sharýashylyǵy qurylymdary men mal bordaqylaý alańdarynyń basshylary, «KazBeef LTD» JShS, «Qazaqınvest» UK» aktsıonerlik qoǵamy jáne KUSTO GROUP kompanııalar tobynyń ókilderi qatysty.
Aqmola oblysyna jumys saparymen kelgen AQSh kompanııalarynyń ókilderi ekijaqty áriptestikti damytýǵa múddeli. Sheteldikterge oblystyń mal sharýashylyǵyn damytýy jáne mal azyǵyn óndirý salasynyń perspektıvalary týraly oblystyq aýyl sharýashylyǵy basqarmasy basshysynyń orynbasary Qasym Itqusov aıtyp berdi.
Onyń aıtýynsha, aýyl sharýashylyǵy ónimderin óndirýde oblystyń áleýeti zor. Bul jumystar óńirde 2010 jyldan beri úlken júıeli júrgizilýde. Sol jyly «Kazbıf LTD» seriktestigi AQSh-tan 1400 bas aberdın angýs tuqymdas asyl tuqymdy iri qara ákelgen edi. Baǵdarlama júzege asyrylǵannan beri oblysqa 12 myń bas asyl tuqymdy iri qara mal ákelinse, onyń jartysynan astamy qashar. Oblystyń aýyl sharýashylyǵy taýarlaryn óndirýshiler AQSh-tyń bıznes qaýymdastyǵy ókilderimen birlesip jumys isteýge daıyn», - dep atap ótti Qasym Itqusov.
Búgingi tańda oblysta mamandandyrylǵan mal bordaqylaý alańdarynyń júıesi jumys isteıdi. Onyń qýaty 21,5 myń mal ornyn quraıdy. Qazir oblys aýmaǵynda jumys istep turǵan mal bordaqylaý alańdaryn keńeıtý jáne jańasyn salý boıynsha jumys júrgizilýde. Bıylǵy jyldyń ózinde mal bordaqylaıtyn kásiporyndardyń qýaty 13 myń basqa deıin keńeıtý josparlanǵan.