Aqmola oblystyq balalar aýrýhanasynda eki táýlikte 3 bala kóz jumdy
Aqmola oblystyq kópbeıindi oblystyq balalar aýrýhanasynyń dırektory Muhtar Doshojınniń málimetinshe, qaıtys bolǵan balanyń ekeýi 2022 jyly týǵan ul men qyz, Zerendi aýdany men Stepnogor qalasynyń turǵyndary.
«Ekeýi de týa bitken múgedek, qańtardyń 30-da kóz jumdy. Qyz bala Zerendi aýdanynan nevrologtyń esebinde turǵan. Oǵan mıkrotsıfalııa, sımptomatıkalyq epılepsııa, aýyr deńgeıdegi tserebraldy sal aýrýy dıagnozdary qoıylǵan. Tek ótken jyldyń ózinde ol aýrýhanaǵa 11 ret túsip, alty ret jansaqtaý bóliminde jatqan, Ul bala bala stepnogorlik, týa bitken múgedek bolǵandyqtan, ata-anasy bas tartqan. Kardıolog, nevrolog dárigerlerdiń esebinde turǵan. Byltyr 6 ret aýrýhanaǵa túsip, úsh ret jansaqtaý bóliminde jatqan», - dep túsindirdi Muhtar Doshojın.
Úshinshisi Soltústik Qazaqstan oblysynyń Taıynsha aýdanynan túsken 10 jasar ul bala. Ol 28-shi qańtarda Kókshetaýda súndettelgen.
«Otta sátti ótip, úıine jiberildi. Arada birneshe kún ótkende bala aýyrsynyp, ata-anasy qaıta aýrýhanaǵa alyp keldi. Dárigerler onyń ómiri úshin baryn saldy. Alaıda, balanyń ómirin saqtap qalý múmkin bolmady. Qańtardyń 31-de saǵat 18:20 bıologııalyq ólimi tirkeldi. Aldan ala «Anafılaktıkalyq shok nemese ókpe arterııasynyń bitelýi», dıagnozy qoıyldy. Sonymen birge, sot-medıtsınalyq saraptama taǵaıyndaldy», - qosty Muhtar Doshojın.
Aıta ketsek, budan buryn Kókshetaýda óńeshine bógde zat turyp qalǵan 1 jasar bala qutqarylǵanyn jazǵan edik.