Aqmola oblysynyń turǵyndary bir aptanyń ishinde alaıaqtarǵa 32 mıllıon teńgege aldanǵan

<p>ASTANA. KAZINFORM &ndash; Aqmola oblysynyń prokýratýrasy osy aptada 21 óńir turǵyny alaıaqtarǵa senip, 32 mıllıon teńgesinen aıyrylǵanyn habarlady.&nbsp;&nbsp;</p>

«Oblysymyzdyń azamattary osy aptada alaıaqtarǵa senip 32 mıllıon teńgege aldanyp otyr. Alaıaqtar jábirlenýshilerge qońyraý shalyp, ózderin uıaly baılanys operatorlarynyń qyzmetkeri, bank qyzmetkerleri retinde tanystyrýdy jalǵastyryp, jábirlenýshilerdiń atynan tanys adamdardan qaryzǵa aqsha surap, habarlama jiberýdi toqtatar emes. Mysaly, Qosshy qalasynyń turǵynyna «What’s App» messendjerinde habarlama kelip túsip, ol onyń tanysy ózinen 200 000 teńge qaryzǵa bere turýyn, qaryzyn paıyzben qaıtarýǵa ýáde berip tur dep oılaǵan», - delingen habarlamada.

Tanysynyń bul týraly shynymen jazǵanyna kóz jetkizbesten, azamat alaıaq kórsetken shotqa aqsha aýdaryp, tanysyna keshke ǵana qońyraý shalyp, onda bári jaqsy ekenin bilýge sheshim qabyldaǵan.

Áńgime barysynda tanysy onyń uıaly telefonyn buzyp, barlyq tanystaryna qaryzǵa aqsha surap habarlamalar jibergenin aıtyp jetkizgenin kórsetken.

«Sizge tanystaryńyzdan, týystaryńyzdan aqsha surap habarlamalar kelip túsken bolsa, mindetti túrde bul habarlamany olar shynymen jazǵanyn qońyraý shalý arqyly tekserýge azamattardyń nazaryn aýdarady. Eshqandaı jaǵdaıda qolma-qol aqshany beıtanys bank kartalarynyń nómirlerine jibermeńiz», - dep eskertti oblystyq prokýratýra.