Aqmola oblysynyń prokýrorlary 100-den astam onkologııalyq naýqastyń quqyǵyn qorǵady

<p>KÓKShETAÝ. KAZINFORM &ndash; Aqmola oblysynyń prokýratýrasy múmkindikteri shekteýli tulǵalardyń quqyqtaryn saqtaý zańdylyǵyna taldaý júrgizdi.</p>

Onkologııalyq dertke shaldyqqan 109 adamnyń múgedektik tobyn anyqtaý úshin medıtsınalyq-áleýmettik saraptamaǵa jibermeý túrindegi quqyqtaryn buzý anyqtaldy.

«Mysaly, Kókshetaý qalasy turǵyndarynyń biri 2022 jyldan beri onkologtyń esebinde turǵan. Alaıda emdeýshi dárigermen múgedektikti, múgedektik dárejesin anyqtaý jáne qajetti áleýmettik qorǵaý sharalaryn anyqtaý máselesine bastamashylyq jasalmaǵan», — dep jazdy baqylaýshy organnan.

Qadaǵalaý aktisi boıynsha medıtsınalyq uıymdardyń basshylary qatań tártiptik jaýapkershilikke tartylyp, onkologııalyq naýqastardyń múgedektik dárejesin anyqtaý boıynsha jumystar júrgizilýde.