Aqmola oblysynyń Esil aýdanynda 460 adam evakýatsııalandy
16:23, 09 Sáýir 2024
<p>KÓKShETAÝ. KAZINFORM – Aqmola oblysynyń Esil aýdanynda 400-den astam adam evakýatsııalandy, onyń ishinde 143 bala bar. </p>
Aqmola oblysy TJD baspasóz qyzmetiniń málimetinshe, qazirgi kezde óńirdiń birqatar aýdandarynda sý tasqynyna qarsy sharalar jalǵasyp jatyr.
«Esil ózeninde sýdyń bógelýi jáne onyń saǵasy - Qyzyl sý ózeninde sýdyń arnasynan asýyp ketýine baılanysty Esil aýdanynyń Lenınskoe, Igilik jáne Svobodnoe aýyldarynda adamdar men úı janýarlary qaýipsiz jerge kóshirilip jatyr. Bir táýliktiń ishinde atalmysh eldimekenderden 461 adam, onyń ishinde 143 bala evakýatsııalandy. Sonymen birge, 17 bas iri qara men 25 shoshqa qaýipsiz jerge shyǵaryldy», - dedi vedomstvodan.
Aıta ketsek, budan buryn Atbasarda 150-den astam adam evakýatsııalanǵanyn jazǵan edik.