Aqmola oblysynyń Egindikól aýdanyna jańa ákim taǵaıyndaldy

<p>Prezıdent Ákimshiliginiń jáne aýdandyq máslıhat depýtattarynyń kelisimi boıynsha Aqmola oblysy ákiminiń ókimimen ıÝrıı Kýrýshın Egindikól aýdanynyń ákimi bolyp taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

ıÝrıı Vıktorovıch Kýrýshın 1976 jyly Aqmola oblysy Shortandy aýdanynda týǵan.

«Qaztutynýodaǵy» Qaraǵandy ekonomıkalyq ýnıversıtetin «ekonomıst-býhgalter» mamandyǵy boıynsha bitirgen.

Ekonomıka ǵylymdarynyń magıstri.

Eńbek jolyn 1995 jyly Shortandy aýdany boıynsha Salyq komıtetiniń salyq ınspektory bolyp bastaǵan.

1995-2006 jyldary — Shortandy aýdany boıynsha salyq komıtetiniń ártúrli jaýapty laýazymdarynda jumys istedi.

2006-2013 jyldary — Aqkól, Jaqsy aýdandary boıynsha salyq basqarmalarynyń bastyǵy bolyp jumys istedi.

2013 jylǵy jeltoqsannan 2017 jylǵy qańtarǵa deıin — ekonomıka jáne qarjy bóliminiń basshysy, sodan keıin 2018 jylǵy shildege deıin — Aqkól aýdany ákimi apparatynyń basshysy bolyp jumys istedi.

2018 jyldyń shildesinen 2021 jyldyń qarashasyna deıin Aqkól aýdany ákiminiń orynbasary boldy.

Bıylǵy qyrkúıek aıyna deıin Aqkól aýdanynyń ákimi qyzmetin atqardy.

Aıta ketsek, budan buryn Aqmola oblysynda birqatar kadrlyq aýys-túıis bolǵanyn jazǵan edik.