Aqmola oblysynyń 30-dan astam turǵynyn aldaǵan alaıaq ustaldy

<p>KÓKShETAÝ. KAZINFORM - Aqmola oblysynyń 30-dan astam turǵynyn 62 mln teńgege aldap ketken alaıaq ustaldy.</p>

Aýmaqtyq PD baspasóz qyzmetiniń málimetinshe, osy jylǵy sáýirdiń 16-da Qosshy qalalyq polıtsııa bólimine alaıaqtyq deregi boıynsha Astana qalasynyń turǵynynan aryz túsken. Zardap shegýshiniń sózinshe, naýryz aıynda áleýmettik jelidegi turǵyndardyń chatynda jıhaz jáne qymbat ydystardy tómen baǵamen usynǵan beıtanys áıel onyń 400 myń teńge aqashasyn ıemdenip ketken.

Jedel-izdestirý is — sharalary barysynda polıtsııa qyzmetkerleri buryn Qylmystyq kodekstiń 190-babyń 2-bóligi boıynsha qylmystyq jaýapqa tartylǵan Astana qalasynyń 32 jastaǵy turǵynyn ustady.

«Qazirgi kezde kúdiktiniń ústinen is qozǵalyp, sotqa deıingi tergeý amaldary qolǵa alyndy. Odan zardap shekken taǵy 32 adamnan polıtsııa aryz tústi. Zardap shkkenderge keltirilgen shyǵyn kólemi 62 mln teńgeni quraıdy», — dedi vedomstvodan.

Osy rette, polıtsııa qyzmetkerleri áleýmettik jeli arqyly satyp alý kezinde satýshyda taýardyń bar ekenine kóz jetkizýdi, beınebaılanys boıynsha mámileniń egjeı-tegjeıin talqylaýdy, taýardy alǵannan jáne ony teksergennen keıin ǵana tólem jasaýdy usynady. 

Eske salaıyq, Qosshyda salyq organynyń qyzmetkeri birneshe ret ınternet-alaıaqtyq jasaǵan bolatyn.