Aqmola oblysyndaǵy mektepterde zańbuzýshylyq anyqtaldy

<p>Aqmola oblysynyń prokýratýrasy oblys mektepterinde keshendi tekseris júrgizip jatyr. Tekserý barysynda birqatar zańbuzýshylyqtyń beti ashyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Prokýratýranyń málimetinshe, tekseris bastalǵannan beri sanıtarlyq-epıdemıologııalyq normalardyń, qaýipsizdik jáne qurylys tárizdi kóptegen salada 200-den astam zań buzýshylyq anyqtaldy.

Mektepterde densaýlyqqa qasaqana aýyr zııan keltirgeni úshin qylmystyq jaýapqa tartylǵan tulǵalar jumysqa ornalastyrylǵan. Aýyl mektepteriniń birinde jertólede oqýshylardyń ómiri men densaýlyǵyna qaýip tóndiretin jaýyngerlik qarý-jaraqpen oqý-jattyǵýy ótkizilgen. 

Joǵary synyp oqýshylarynyń kishi synyptarǵa qatysty qorqytý derekteri anyqtaldy, ol balalar esepke alyndy.

40 mektepte pedagogtardyń biliktiligi talapqa sáıkes kelmeıtini anyqtaldy. 

Foto: Prokýratýranyń baspasóz qyzmeti

Birqatar mektepterde jalaqy jumysqa jalǵan ornalastyrylǵan jumysshylarǵa aýdarylǵan, olardyń aqshasyn mektep ákimshiligi alyp otyrǵan.

Mysaly, qalalyq mektepterdiń birine dırektordyń orynbasarynyń týysy resmı túrde jumysqa ornalastyrylǵan. Al dırektordyń orynbasary onyń jalaqysyn aı saıyn alyp otyrǵan.

«Búgingi tańda bilim berý salsynda qadaǵalaý aktileri boıynsha 41 tulǵa ákimshilik jáne tártiptik jaýapqa tartyldy. Jymqyrý, qujattardy qoldan jasaý jáne basqa da derekter boıynsha 19 sotqa deıingi tergep-tekserý bastaldy. Tekserý jalǵasyp jatyr», - dedi vedomstvodan.

Aıta ketsek, budan buryn Aqmola oblysynda «ArtSport» baǵdarlamasyn júzege asyrý kezinde qarjy jymqyrylǵanyn jazǵan edik. 

Foto: Prokýratýranyń baspasóz qyzmeti