Aqmola oblysyndaǵy aýyldardyń biri Jańa jyl qarsańynda aýyzsýsyz qaldy

<p>ASTANA. KAZINFORM - Jańa jylǵa týra bir kún qalǵanda Baıanbaı aýylyndaǵy aýyzsýdan jaǵymsyz ıis shyǵyp, túsi ózgerip ketti.</p>

Baıanbaılyqtardyń ózi bul jaqyn jerdegi batpaq sýy dep joramaldaıdy. Al sheneýnikter aýylǵa sý tası bastady.

— Biz, Baıanbaı aýylynyń turǵyndary, sizderden kómek surap otyrmyz. Jańa jyl kúni aýylymyz sýsyz qaldy. Sý tek demalys kúni keletinin aıtty, oǵan deıin biz ne isteýimiz kerek? -deıdi aýyl turǵyny Lıýdmıla Shelest.

Foto: Baıanbaı aýylynyń turǵyndary

Ákimdik aýyl turǵyndaryna sý jetkizýge ýáde berdi. Alaıda turǵyndardyń barlyǵy mal ustaıdy jáne syrttan tasyǵan sý jetpeıdi dep qorqady.

Býrabaı aýdanynyń ákimi Araı Sadyqov «QazAqparat» HAA tilshisimen telefon arqyly sóıleskende aýylda sý qubyry tartylǵanyn atap ótti.

Foto: Baıanbaı aýylynyń turǵyndary

- Qazir sýdyń ıisi bar, biz ıistiń sebebin anyqtap, ony joıýǵa tyrysyp jatyrmyz. Mamandardyń barlyǵy sonda. Sýmen qamtamasyz etý jumystary uıymdastyryldy. Biraq tamyz aıynda apat bolǵan joq. Jańa sý qubyry iske qosylmaǵan, olardyń burynǵymen ortaq eshteńesi de joq, - dedi ol.

Aýdan basshysy sýdyń túsin ózi kórmese de, krannan keletin sýdy malǵa paıdalanýǵa bolatynyn da aıtty.

Osyǵan deıin Aqmola oblysynda ondaǵan qoǵamdyq tamaqtaný orny lıtsenzııasyz jumys isteıtini týraly jazdyq.