Aqmola oblysyndaǵy alaıaq áıelden zardap shekkender sany 45 adamǵa jetti

<p>KÓKShETAÝ. KAZINFORM &ndash; Býrabaı jáne Bulandy aýdandary turǵyndarynyń aqshasyn jymqyrǵan alaıaq áıelge qatysty qylmystyq isti tergeý sharalary jalǵasyp jatyr. Búgingi kúni odan zardap shekkender sany 45 adamǵa jetti.&nbsp;</p>

Aqmola oblysy PD baspasóz qyzmetiniń málimetinshe, Býrabaı aýdandyq PB kezekshi bólimine sońǵy birer kúnde birneshe adam aryzben júgingen. Zardap shegýshilerdiń sózinshe, barlyǵy bir alaıaqtyq tásildiń qurbany bolǵan.

Anyqtalǵandaı, alaıaq áıel bank aldynda qarjylyq qıyndyqtarǵa tap bolǵan zardap shegýshilerge nesıe alýǵa kómektesip, onyń teń jartysyn ózi alyp otyrǵan. Artynsha sol alǵan nesıeniń jartysyn bankke ótemeı ketken. Ár túrli jaǵdaılarda zalal 1 mıllıon teńgeden 13,5 mıllıonǵa deıin jetip otyr.

«Jedel-izdestirý is-sharalary barysynda Makınsk qalasynyń 51 jastaǵy turǵyny ustalyp, ýaqytsha ustaý oqshaýlaǵyshyna qamaldy. Onyń ústinen Qylmystyq kodekstiń 190-baby «alaıaqtyq» boıynsha sotqa deıingi is qozǵaldy. Qazirgi kezde alaıaq áıelden zardap shekkender sany 45 adamǵa jetti, olar Býrabaı jáne Bulandy aýdandarynyń turǵyndary», - dedi vedomstvodan.

Aıta ketsek, budan buryn aqmolalyqtardyń 15 mln teńgesin jymqyrǵan alaıaq áıel ustalǵanyn jazǵan edik.