Aqmola oblysynda joldy bólise almaı tóbelesken eki kóliktiń júrgizýshisi men jolaýshylary ustaldy
Aqmola oblysy Polıtsııa departamenti baspasóz qyzmetiniń málimetinshe, keleńsiz jaǵdaı tamyzdyń 12-de «Ekaterınbor – Almaty» tasjolynda bolǵan.
Anyqtalǵandaı «Hyundai Elantra» jáne «Toyota Corolla» kólikteriniń júrgizýshileri joldy bólise almaı toqtap, jaǵa jyrtysyp, tóbelesken. Artynsha, tóbeleske eki kóliktiń jolaýshylary da aralasqan.
«Qazirgi ýaqytta polıtsııa qyzmetkerleri osy tóbeleske qatysy bar adamdardy anyqtap, ustady. Osy oqıǵaǵa baılanysty Qylmystyq kodekstiń 293-babynyń 2-bóligi «buzaqylyq» boıynsha sotqa deıingi tergeý amaldaryn qolǵa aldy», - dedi vedomstvodan.
Polıtsııa departamenti baspasóz qyzmetinen atap ótkendeı, atalmysh baptyń sanktsııasy boıynsha 5 jylǵa deıin bas bostandyǵynan aıyrý túrindegi eń joǵary jaza qarastyrylǵan.
Aıta ketsek, budan buryn «Jezqazǵan – Petropavl» tas jolynda adam qaǵyp, mert qylǵan júrgizýshi ustalǵanyn jazǵan edik.