Aqmola oblysynda jolda qalǵan 75 adam evakýatsııalandy
02:25, 11 Qańtar 2024
<p>Aqmola oblysynda bir táýlik ishinde jolda qalǵan 75 adam evakýatsııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>
Oblystyq TJD baspasóz qyzmetiniń málimetinshe, qazirgi kezde óńirde boranǵa baılanysty respýblıkalyq mańyzy bar 8 avtojol jáne oblystyq mańyzy bar 15 avtojol jabylǵan.
Qutqarýshylar qar qursaýynda qalǵan avtokólik ıeleri men jolaýshylaryn evakýatsııalap jatyr.
«Bir táýlik ishinde oblys aýmaǵynda 75 adam evakýatsııalandy. Olardyń barlyǵy tórt jylytý pýnktine ornalastyryldy», - dedi vedomstvodan.
Osy rette TJD qyzmetkerleri óńir turǵyndaryna borandy kúnderi eldi meken aýmaǵyna alys jolǵa shyqpaý jóninde keńes beredi.
Aıta ketsek, budan buryn Aqmola oblysynda jolda qalǵan avtobýstyń 16 jolaýshysy evakýatsııalanǵanyn jazǵan edik.