Aqmola oblysynda jolda qalǵan 64 ózbekstandyq evakýatsııalandy

<p>KÓKShETAÝ. KAZINFORM - Aqmola oblysynda jolda qalǵan ózbekstandyq 64 jolaýshy evakýatsııalandy, onyń 17 bala.Aýmaqtyq TJD baspasóz qyzmetiniń málimetinshe, 15 aqpanda &laquo;Jaqsy-Esil-Buzylyq&raquo; tas jolynyń Jaqsy aýyly tusynda &laquo;Astana-Chelıabi&raquo; baǵytyndaǵy jolaýshylar avtobýsy isten shyqqany týraly habar túsken. &nbsp;</p>

«Shaqyrý ornyna dereý Jaqsy aýdanynyń qutqarýshylary Aıaz Maqashev pen Saılaýbek Qajymuratov bardy. Olar isten shyqqan avtobýsta bolǵan 64 jolaýshyny (onyń 17 bala) Jaqsy aýylyndaǵy N1 orta mektepte ornalasqan jylytý ornyna jetkizdi. Jolaýshylar medıtsınalyq kómekti qajet etpedi», - dedi vedomstvodan.

Foto: TJD baspasóz qyzmeti

Aıta ketsek, budan buryn Aqmola oblysynda 65 tájikstandyq jolaýshy qutqarylǵanyn jazǵan edik.