Aqmola oblysynda jol salý kezinde óreskel zańbuzýshylyqqa jol berilgen

<p>Tselınograd aýdany Qarajar jáne Jańajol aýyldarynda kentishilik joldardy salý kezinde óreskel zańbuzýshylyqtar anyqtaldy, dep habarlaıdy <a href="https://kaz.inform.kz/" target="_blank" rel="noopener">QazAqparat.&nbsp;</a></p>

Aqmola oblysy prokýratýrasynyń málimetinshe, merdiger uıym úsh jyl boıy asfalt tóseý tehnologııasyn saqtamaý, tehnıkalyq súıemeldeýsiz jumys júrgizý, qurylys kezinde jaramsyz topyraqty paıdalaný arqyly kórsetilgen sharttar boıynsha mindettemelerdi tıisinshe oryndamaǵan.

Sonymen qatar jumys jobadan aýytqyp júzege asyrylǵany anyqtaldy. Atalǵan zańbuzýshylyq ýákiletti memlekettik organnyń tekserýinen keıin rastaldy.

Aýdan prokýratýrasy qabyldaǵan sharalar boıynsha merdigermen jasalǵan eki shart buzylyp, merdigerdi memlekettik satyp alýǵa josyqsyz qatysýshy dep taný jáne turaqsyzdyq aıybyn óndirip alý týraly talap aryzy sotqa joldandy.

Qazir jóndeý jumystary toqtatyldy. Aýdan ákimdigi jańa konkýrs jarııalaý boıynsha jumystar júrgizip jatyr. Osylaısha, osy obektilerdi 3 mlrd teńgeden astam somaǵa negizsiz qarjylandyrýǵa jol berilmedi.

Qurylystyń iske asyrylý barysyna tıisti baqylaýdyń joqtyǵy úshin jaýapty kináli tulǵalar tártiptik jáne ákimshilik jaýapkershilikke tartyldy.