Aqmola oblysynda jol apatynan eki adam kóz jumdy

<p>KÓKShETAÝ. KAZINFORM &ndash; Aqmola oblysynda eki kólik betpe-bet soqtyǵysyp, eki adam kóz jumdy jáne taǵy bir adam zardap shekti.</p>

Aýmaqtyq PD baspasóz qyzmetiniń málimetinshe, 10 aqpanda saǵat 17:02 shamasynda Býrabaı aýdandyq PB kezekshi bólimine «Býrabaı – Qymyzynaı» aralyǵynda jol-kólik oqıǵasy bolǵany týraly habar túsken.

«Anyqtalǵandaı, Birjan sal aýdanynyń 76 jastaǵy turǵyny basqarǵan «VAZ-2107» kóligi joldyń qarsy baǵytynda júrip kele jatqan «GAZ-3110» kóligimen betpe-bet soǵylǵan. Saldarynan «VAZ-2107» kóliginiń júrgizýshisi men jolaýshysy (71 jastaǵy áıel) alǵan dene jaraqatynan oqıǵa ornynda kóz jumdy. Al, «GAZ-3110» kóliginiń 53 jastaǵy júrgizýshisi túrli dene jaraqatymen «Avıtsenna-Býrabaı» JShS jatqyzyldy», - dedi vedomstvodan.

Qazir osy oqıǵaǵa baılanysty qylmystyq is qozǵalyp, saraptama taǵaıyndaldy.

Aıta ketsek, budan buryn Aqmola oblysynda balalar otyrǵan mıkroavtobýs jol apatyna ushyraǵanyn jazǵan edik.