Aqmola oblysynda jol apatynan 15 jastaǵy jasóspirim kóz jumdy

<p>KÓKShETAÝ. KAZINFORM &ndash; Aqmola oblysynyń Zerendi aýdanynda jol apatynan 15 jastaǵy jasóspirim qyz kóz jumdy.</p>

Oblystyq PD baspasóz qyzmetiniń málimetinshe, jol-kólik oqıǵasy Jylymdy aýyly mańynda bolǵan.

«Anyqtalǵandaı, «Volkswagen» kóligi aýdarylyp qalǵan. Sonyń saldarynan kólikte bolǵan Aqan aýylynyń turǵyny, 15 jasar qyz kóz jumdy. Qazirgi kezde osy derek boıynsha sotqa deıingi tergeý amaldary qolǵa alyndy. Ózge aqparat anyqtalyp jatyr», - dep túsindirdi vedomstvodan.

Aıta ketsek, budan buryn áleýmettik jelide mektep ınternatynyń toǵyzynshy synyp oqýshysy, qyz bala «Folksvagen Polo» kóligin ruqsatsyz minip ketip, keıin aýdarylǵany týraly jarııalanǵan edi.

Eske salaıyq, Aqmola oblysynda jol apatynan 5 adam kóz jumdy.