Aqmola oblysynda joǵalǵan stýdent qyz Astanadan tabyldy

<p>Aqmola oblysynda iz-túzsiz joǵalǵan 18 jastaǵy stýdent qyz bir táýlikten keıin astanadan tabyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oblystyq PD baspasóz qyzmetiniń málimetinshe, Kókshetaý qalalyq polıtsııa basqarmasynyń qyzmetkerleri boıjetkendi oblys ortalyǵy aýmaǵynan bólek, Astana qalasynan da izdedi.

— Týra bir táýlikten keıin tártip saqshylary joǵalǵan stýdentti Astana qalasynan taýyp, týysqandaryna tapsyrdy, — dedi vedomstvodan.

Foto: Aqmola oblysy PD

Sonymen birge, osydan on kún buryn, ıaǵnı qazannyń 24-de úıinen ketip qalǵan Qosshy qalasyndaǵy mektepterdiń biriniń 14 jasar oqýshysy da astanadan tabyldy.

Qyz bala buǵan deıin de birneshe ret úıinen ketip qalyp júrgen.

Bul joly ata-anasy 9 kún ótken soń baryp polıtsııadan kómek suraǵan.

Osy rette tártip saqshylary ata-analardan balalaryna baqylaýdy kúsheıtýdi jáne joǵalǵan kezde dereý polıtsııaǵa habarlaýdy suraıdy.

Aıta ketsek, budan buryn Aqmola oblysynda 18 jastaǵy stýdent qyzdyń joǵalǵanyn jazǵan edik.