Aqmola oblysynda joǵalǵan Ózbekstan azamaty 3 aptadan beri tabylmaı jatyr

<p>KÓKShETAÝ. KAZINFORM &ndash; Aqmola oblysynda 3 apta buryn joǵalǵan Ózbekstan azamaty izdestirilip jatyr.</p>

Aýmaqtyq PD baspasóz qyzmetiniń málimetinshe, 1972 jylǵy Qulmahanbet Ábdýhalyluly Rahmanqulovtyń iz-túzsiz joǵalǵany týraly habar bıyl 22 qańtarda Birjan sal aýdandyq PB túsken. 

Foto: Aqmola oblysy PD

Týystarynyń aıtýynsha, Ózbekstan Respýblıkasynyń azamaty Qazaqstanǵa 2023 jyldyń 22 qarashasynda kelgen. Biraz ýaqyt Astanada turǵan, keıin jeltoqsan aıynda Birjan sal aýdanynyń Krasnoflotskoe aýylyna kelgen. Sol aýylda joǵalyp ketken.

«Er adam Krasnoflotskoe aýylyndaǵy jergilikti sharýa qojalyǵynda jumys istegen. Er adamdy izdeý barysynda onymen baılanysty bolǵandar anyqtaldy. Sonymen birge, týystarynan, tanystarynan jáne aýyl turǵyndarynan surastyryldy. Qazirgi kezde, sheteldik azamatty izdeýge Birjan sal aýdandyq PB jeke quramy tartylǵan», - dedi vedomstvodan.

Aıta ketsek, budan buryn Aqmola oblysynda boranda jolda qalǵan 26 adam qutqarylǵanyn jazǵan edik.