Aqmola oblysynda jyl basynan beri 11 adam qyzylsha juqtyrdy

<p>Aqmola oblysynda bıylǵy jyldyń basynan beri qyzylsha juqtyrýdyń 11 deregi tirkeldi, onyń 8-i bala, dep habarlaıdy <a href="Kazinform." target="_blank" rel="noopener">Kazinform</a>.</p>

Aqmola oblysy boıynsha sanıtarlyq-epıdemıologııalyq baqylaý departamentiniń basshysy Aınagúl Mýsınanyń málimetinshe, sońǵy birer aıda óńirde qyzylsha juqtyrǵandar sany artqan.

– Ótken jyly Aqmola oblysynda qyzylsha juqtyrǵandar sany 490 adamǵa jetse, 379 jaǵdaıda (zerthanalyq – 218 jaǵdaı (58%), epıdemıologııalyq baılanys boıynsha – 66 (17%), klınıkalyq – 47 (12%) rastaldy. Tórtinshi toqsanda 340 jaǵdaı tirkeldi, ıaǵnı, ósim 30 esege joǵary, – dedi Aınagúl Mýsına.

Aıtýynsha, aýyrǵandardyń 90 paıyzy qyzylshaǵa qarsy ekpe almaǵan. Onyń ishinde 60 paıyzy ózderi nemese olardyń ata-analary bas tartqandyqtan ekpe almaǵan.

Qazirgi kezde, oblysta 34 094 mólsher ekpe bar. Oblys boıynsha 9 aıdaǵy 8 734 balaǵa qyzylshaǵa qarsy ekpe salyndy. 

Aıta ketsek, budan buryn Aıjan Esmaǵambetova Qazaqstanda qyzylshanyń taralý sebebin aıtqan edi.