Aqmola oblysynda jas balanyń múrdesi tabyldy: polıtsııa is qozǵady

<p>KÓKShETAÝ. KAZINFORM - Aqmola oblysynda jas balanyń ólimine baılanysty polıtsııa is qozǵap, tergeý amaldaryn bastady.</p>

Aqmola oblysy PD baspasóz qyzmetiniń málimetinshe, qazirgi kezde kúdikti ustalyp, tergeý sharalary júrgizilip jatyr.

«Polıtsııa departamenti jas balanyń ólimine baılanysty Qylmystyq kodekstiń 99-baby 3-bóligi (kisi óltirý) boıynsha sotqa deıingi tergeý bastalǵanyn habarlaıdy. Qazirgi ýaqytta qajetti tergeý amaldary jáne basqa da protsessýaldyq sharalary júrgizilip jatyr. Balanyń ólimine kúdikti ustalyp, ýaqytsha ustaý oqshaýlaǵyshyna qamaldy. Qylmystyq protsessýaldyq kodekstiń 201-babyna sáıkes ózge aqparat jarııa etilmeıdi», - dep túsindirdi Kazinform tilshisiniń saýalyna PD baspasóz qyzmetinen.

Osy rette, áleýmettik jelide balanyń 2020 jyly qaıtys bolǵany jáne jasy shamasy 2-de ekeni, sondaı-aq, 65 jastaǵy ájesiniń nemeresin baý-baqshaǵa jerlegeni aıtylady.

Aıta ketsek, budan buryn Aqmola oblysynda tanysyn asa qatygezdikpen óltirgen er adam 25 jylǵa sottalǵanyn jazǵan edik.