Aqmola oblysynda Jabaı ózeniniń túbi tazartylyp jatyr

<p>KÓKShETAÝ. KAZINFORM - Atbasar aýdanynda sý tasqynyn aldyn alý boıynsha Jabaı ózeniniń túbin tazartý, tereńdetý jumystary bastaldy.</p>

Aqmola oblysy ákimdiginiń málimetinshe, shógindilerdiń saldarynan ózenniń arnasy tarylyp, jyldar boıy sý tasqyny oryn alyp keledi.

Buǵan deıin jergilikti bılik ózendegi sýdyń arnadan asyp ketý qaýpimen kúresip keldi, alaıda, odan esh nátıje bolmady.

Bıylǵy kótemdegi sý tasqyny kezinde Aqmola oblysynyń ákimi Marat Ahmetjanov Atbasar aýdanyna birneshe ret jumys babymen baryp, halyqpen kezdesýler ótkizdi. Onda jyl saıyn qaıtalanyp turatyn sý tasqynyn boldyrmaýdyń joldaryn qarastyrǵan edi.

«Aqsaqaldar ótken ǵasyrdyń ózen túbin tereńdetý tájirıbesin usyndy, ol úshin sý obektilerin tazartýǵa arnalǵan jersorǵysh snarıad satyp alyndy.

Óńir basshysy júzbeli agregatty satyp alý týraly shamamen bir aı buryn oblystyń Qoǵamdyq keńesine óńirdi damytý jónindegi jobalardy tanystyrdy. Ónimdiligi bar qalqymaly tehnıkalyq qural kelesi kúni aýdanǵa jetkizildi. Al búgingi tańda alǵash ret jabdyq atalmysh ózen arnasynda synaq rejıminde jumys isteı bastady», - dedi ákimdiktiń baspasóz qyzmetinen.

Aıta keteıik, budan buryn «Býrabaı» ulttyq parkindegi kólderden 26 tonnadan astam qoqys jınalǵanyn jazǵan edik.