Aqmola oblysynda zergerlik dúkendi tonaǵan qylmystyq top músheleri sottaldy

<p>&nbsp; Aqmola oblysynyń Astrahan aýdanynda zergerlik dúkendi tonaǵan bes er adamnan turatyn qylmystyq top múshelerine sot úkimi shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Aqmola oblystyq soty baspasóz qyzmetiniń málimetinshe, jumyssyz júrgen bes adam birigip, zergerlik dúkennen 12 mln teńgeniń buıymdaryn jáne kassadan 70 myń teńgeniń aqshasyn qoldy qylǵan (QK 188-baby 3-tarmaǵynyń 4-bóligi).

Іsti qaraý barysynda sottalýshylar prokýrormen kinásin moıyndaý týraly mámile nysanynda is júrgizý kelisimin jasasty.

Sottalýshylarǵa jaza taǵaıyndaý kezinde sot jeńildetetin jaǵdaılardy ıaǵnı, is-áreketke shyn júrekten ókiný jáne asyraýynda jas balalardyń bolýyn eskerdi. Jazany aýyrlatatyn jaǵdaılar anyqtalǵan joq.

Dúken ıesine keltirilgen zalaldy kináliler tolyǵymen ótedi, sondyqtan jábirlenýshi olardy qatań jazalamaýdy ótindi.

- Sot úkimimen tórt sottalýshy shartty túrde árqaısysy 5 jyl bas bostandyǵynan aıyrý jazasyna kesildi, probatsııalyq baqylaý belgilendi. Al, bireýine burynǵy ótelmegen sottylyǵy jáne ol boıynsha ótelmegen jazanyń ishinara qosylýy eskerile otyryp, 5 jyl 6 aı naqty bas bostandyǵynan aıyrý jazasy taǵaıyndaldy, - dedi Aqmola oblysy sotynyń baspasóz qyzmetinen.

Sot úkimi zańdy kúshine engen joq.

Aıta ketsek, budan buryn Aqmola oblysynda bıýdjet qarjysyn jymqyrǵan sybaılastar sottalǵanyn jazǵan edik.