Aqmola oblysynda zańsyz jumys istep júrgen mıgranttar anyqtaldy

<p>KÓKShETAÝ. KAZINFORM &ndash; Aqmola oblysynyń Ereımentaý aýdanynda sheteldiń 5 azamaty zańsyz jumys istep júrgeni anyqtaldy.</p>

Aqmola oblysy PD baspasóz qyzmetiniń málimetinshe, shildeniń 31-i men tamyzdyń 2-i aralyǵynda oblys amýaǵynda kóshi-qon zańnamasynda quqyqbuzýshylyqtardyń jolyn kesýge baǵyttalǵan «Kelimsek» jedel-aldyn alý sharasy ótip jatyr. Aktsııaǵa kóshi-qon qyzmeti qyzmetkerlerinen bólek, ýchaskelik polıtsııa ınspektorlary jumyldyrylǵan. 

«Jedel-aldyn alý sharasy barysynda tártip saqshylary bazarlar, qurylys obektileri, aýyl sharýashylyǵy kásiporyndaryn tekserip shyqty. Nátıjesinde Ereımentaý aýdany aýmaǵyndaǵy JShS birinde ruqsatsyz jumys istep júrgen 5 sheteldik azamatty anyqtaldy», - dedi vedomstvodan.

Sheteldikterdiń aıýynsha, olar ruqsat qujattaryn keıin rásimdemekshi bolǵan. 

«Qazirgi ýaqytta jınalǵan is materıaldary ákimshilik sotqa joldandy, olarǵa ákimshilik jaza qarastyrylǵan. Sondaı-aq sheteldikterdi jumysqa ruqsatsyz, zańsyz tartqany úshin jumys berýshi de ákimshilik jaýapqa tartyldy», - dep tolyqtyrdy vedomstvodan.

Aıta ketsek, budan buryn Aqmola oblysynyń Qoıandy aýylynda áli kúnge deıin 2 myńǵa jýyq úıdiń qujaty joq ekenin jazǵan edik.