Aqmola oblysynda iz-túzsiz joǵalǵan stýdent izdestirilýde

<p>Aqmola oblysynda iz-túzsiz joǵalǵan 18 jastaǵy stýdent qyzǵa izdeý jarııalandy dep habarlaıdy <a href="Kazinform" target="_blank" rel="noopener">Kazinform</a>.</p>

Oblystyq PD baspasóz qyzmetiniń málimetinshe, qarashanyń 2-de saǵat 21:06 shamasynda Kókshetaý qalalyq polıtsııa basqarmasynyń kezekshi bólimine oblys ortalyǵynyń turǵyny habarlasyp, jıeni Dıana Erlanqyzy Ybraevany (05.04.2005 jylǵy) izdep tabýǵa kómek suraǵan.

Áıeldiń sózinshe, jıeni jergilikti kolledjderdiń birinde oqıdy. Sol kúni saǵat 14:00 shamasynda qurbylarymen serýendeýge ketip, qaıtyp oralmaǵan.

Joǵalǵan adamnyń boıy 170-175 sm shamasynda, dene bitimi ortasha, shashy qara tústi. Ústine aqshylyt tústi kýrtka, sur kóılek, qonshysy bıik etik kıgen.

- Barlyq polıtsııa bólimshelerine qyzdyń belgilerimen baǵdarlaý joldandy. Qazirgi ýaqytta habar-osharsyz ketken adamnyń ornalasqan jerin anyqtaý boıynsha izdestirý is-sharalary júrgizilýde. Aldyn ala málimetter boıynsha, qyzdyń ornalasqan jeri Astana qalasynda bolýy múmkin. Іzdestirý sharalaryna eriktilerde qosyldy, - dedi vedomstvodan.

Osy rette, tártip saqshylary joǵalǵan adamnyń ornalasqan jeri týraly qandaı da bir málimet bolsa, dereý 8 (716-2) 25-78-05, 8-707-119-87-19 telefon nómirleri boıynsha habarlasýdy suraıdy.

Aıta ketsek, budan buryn Kókshetaýda adam bopsalaýmen aınalysqan kúdikti ustalǵanyn jazǵan edik.