Aqmola oblysynda tuz qyshqyly toltyrylǵan tsısterna qaýipsiz jerge shyǵaryldy

<p>ASTANA. KAZINFORM - Tuz qyshqyly bar avarııalyq tsısterna qaýipsiz qashyqtyqqa súıretilip, shyǵaryldy, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

Esterińizge sala keteıik, 25 mamyrda Arshaly aýdanynyń Saryoba stantsııasynda dıametri bir jarym santımetr bolatyn jaryqtyń saldarynan júk quramyndaǵy tsısternalardyń birinen tuz qyshqyly tógilgen.

Qaýipti júkteri bar tsısterna negizgi quramnan ajyratyldy. Aqmola oblysynyń qutqarýshylary aǵysty joıdy.

27 mamyrda tsısternanyń ishindegisin júk tasymaldaýshylar aıdaǵan keznde tuz qyshqyly qaıta aǵa bastady. Aǵymdy Astana qalasy TJD qyzmetkerleri toqtatty.

Qazirgi ýaqytta tsısterna aýyldan jáne jaqyn mańdaǵy sharýa qojalyǵynan qaýipsiz qashyqtyqqa súıretilip shyǵaryldy.

SES, jergilikti atqarýshy organdar men azamattyq qorǵaý organdarynyń qyzmetkerleri qyshqyl tógilgen jerge gazsyzdandyrady. Halyqtyń ómiri men densaýlyǵyna qaýip joq.

«Jaǵdaı apat bolǵan jerde jedel shtabtyń baqylaýynda», - dep atap ótti Aqmola oblysy TJD bastyǵynyń orynbasary Ashat Aqyljanov.

Osyǵan deıin Aqmola oblysynda tógilgen tuz qyshqyly joıylǵanyn habarladyq.