Ótinish berýshiniń aıtýynsha, mal jaıylymda bolǵandyqtan, olardyń joǵalǵanyn birneshe kúnnen keıin ǵana baıqaǵan.
Qulyndardyń joǵalǵanyn túsingen aýyl turǵyny dereý polıtsııaǵa habarlady.
Quqyq qorǵaý organdary qylmystyq is tirkep, jedel-izdestirý sharalaryn júrgizdi. Yqtımal kýágerlerden jaýap alynyp, jaqyn mańdaǵy jaıylymdar, fermerlik qojalyqtar men maldy ótkizý oryndary tekserildi, sondaı-aq et satyp alýshynyń jeke basy anyqtaldy.
— Іzdestirý barysynda 49 jastaǵy kúdikti ustalyp, tergeý áreketterin júrgizý úshin polıtsııa bólimine jetkizildi. Qazir oqıǵanyń barlyq mán-jaılary anyqtalyp, kúdiktiniń basqa uqsas qylmystarǵa qatysy bar-joǵy tekserilip jatyr. Urlanǵan maldyń bir bóligi tabylyp, zańdy ıesine qaıtaryldy. Sotqa deıingi tergep-tekserý jalǵasady, — delingen habarlamada.
Quqyq qorǵaý organdary turǵyndarǵa malyn muqııat baqylaýda ustaýdy jáne joǵalǵan jaǵdaıda dereý polıtsııaǵa habarlaýdy eskertedi.
Budan buryn Jetisýda mal urlyǵymen aınalysqan qylmystyq top quryqtalǵanyn jazǵanbyz.