Aqmola oblysynda tórt kún boıy dalada qalǵan balyqshylar qutqaryldy

<p>ASTANA. KAZINFORM &ndash; Aqmola oblysynyń ýchaskelik polıtseıi qarly boranda qalyp qoıǵan balyqshylarǵa kómektesti, dep habarlaıdy <a href="https://polisia.kz/aqmola-oblysynyng-uchaskelik-politseji-qarly-boranda-qalyp-qojghan-balyqshylargha-komektesti/" target="_blank" rel="noopener">Polisia.kz</a>.</p>

12 qańtarda Astana qalasynyń eki turǵyny Arshaly aýdanynda ornalasqan Kenetaı kóline jeńil avtokólikpen balyq aýlaýǵa barǵan. Dittegen orynǵa jetip, kólikti jaǵadan shamamen 1,5 km qashyqtyqta qaldyryp, er adamdar balyq aýlaýǵa kirisip ketken.

Ókinishke qaraı, kelesi kúni aýa raıy nasharlaı bastady, boran bolyp, aınalanyń kórinýi nasharlady. Aýa raıynyń qolaısyzdyǵyn eskergen astanalyqtar balyq aýlaýdy toqtatyp, úılerine qaıtpaq bolǵan. Alaıda kólikti ornynan qozǵaý múmkin bolmady.

Jaǵdaıdyń qıyn ekenin baıqaǵan er adamdar tanystary arqyly osy aımaqty jaqsy biletin jergilikti ýchaskelik bólimshemen baılanysty. Aýa raıynyń qolaısyzdyǵyna qaramastan, quqyq qorǵaý organy kómekke birden iske kirisip, balyqshylardy izdep tapty.

Arshaly aýdandyq polıtsııa bóliminiń JPQB ýchaskelik ınspektory Asylhan Omarovtyń aıtýynsha, qardyń kóp jaýǵany sonshalyq kólik qozǵalmaı, turyp qalǵan. Tártip saqshysy balyqshylarǵa kólikti tastap, úıge baryp, boran basylǵannan keıin qaıta kelgen abzal ekenin aıtqan. Eki kúnnen keıin polıtsııa qyzmetkeri astanalyqtarmen baılanysyp, kólikterin alyp ketýge bolatynyn aıtty.

Sol jerge jetkennen keıin qaraǵandylyq úsh azamatpen birge taǵy eki kólik qalyp qoıǵanyn baıqady. Olar munda aýa raıynyń qolaısyzdyǵyna baılanysty tórt kún boıy turyp qalǵan. Olar da bul jerden shyǵa almady, óıtkeni búkil joldy qar basyp qalǵan. Qýanyshymyzǵa oraı, mundaı boranda jaýrap nemese tamaqsyz qalmaǵan.

– Maǵan joldy tazalap, keptelip qalǵan kólikterdi súırep apara alatyn K700 býldozerin izdeýge týra keldi. Kólik quraldaryn shaqyrýǵa eki saǵattaı ýaqyt ketti. Bizdiń jumsaǵan kúsh-jigerimiz beker bolmaǵany qýantady, barlyq saıahatshylar úılerine aman-esen oraldy, – deıdi Asylhan Omarov.

Elorda turǵyny bolǵan oqıǵany tolyq aıtyp, ýchaskelik ınspektorǵa barlyq atqarylǵan jumystary úshin alǵys bildirip, batyldyǵyn, kásibıligin jáne sezimtaldyǵy úshin alǵysyn bildirip, beınejazba joldady.