Aqmola oblysynda tasqa qashalǵan kóne artefakt tabyldy

<p>KÓKShETAÝ. KAZINFORM &ndash; Aqmola oblysynyń Sandyqtaý aýdanynda kóne artefakt tabyldy. Tarıhı oljany &laquo;Orman&raquo; profılaktıkalyq is-sharasyn ótkizý kezinde Sandyqtaý aýdandyq TJB qyzmetkerleri Nursultan Áshkenov pen Ahmet Zarıpov Balkashıno aýyly mańyndaǵy orman ishinen baıqaǵan.</p>

Aqmola oblysy TJD baspasóz qyzmetiniń málimetinshe, artefakt-tasqa qashalǵan adamnyń beti. Bul týraly órt sóndirýshiler Aqmola oblysy TJD jáne Aqmola oblystyq «Tarıhı-mádenı murany qorǵaý jáne paıdalaný ortalyǵynyń» mamandaryna habarlap aıtqan.

Foto: Aqmola oblysy TJD

Ǵalymdardyń pikirinshe, ázirge tasqa qashalǵan adam beınesindegi ejelgi músinniń qaı dáýirge jatatynyn aıtý múmkin emes. Osyǵan uqsas eskertkishter, qola jáne erte temir dáýirleri, sondaı-aq, orta ǵasyrlardaǵy túrki kezeńinde tabylǵan.

Foto: Aqmola oblysy TJD

«Mundaı músinder qola dáýiri kezeńine tán, Shyǵys Eýropa jáne Orta Azııa aýmaǵynda kezdesedi. Sondaı-aq, erte temir dáýirindegi eskertkishterge uqsastyq bar, Ońtústik Sibir aýmaǵynda Ǵun, Sarmat kezeńinde de kezdesedi. Bizge belgilisi orta ǵasyrlardaǵy Eýrazııa aýmaǵynda keńinen taraǵan túrki músini. Sonymen birge, jańa zaman kezeńinde esten shyǵarmaý kerek», - deıdi Á.Marǵulan atyndaǵy Arheologııa ınstıtýtynyń jetekshi ǵylymı qyzmetkeri Sergeı ıArygın.

Aqmola oblystyq «Tarıhı-mádenı murany qorǵaý jáne paıdalaný ortalyǵynyń» dırektory Jasulan Úkeevtiń atap ótkendeı, qazirgi ýaqytta artefakt memlekettik qorǵaýǵa alynǵan.

Foto: Aqmola oblysy TJD

Aıta ketsek, budan buryn Atbasar aýdanynda 22 jańa arheologııalyq eskertkish tabylǵanyn jazǵan edik.