Aqmola oblysynda tarıf kótergen temirjol kompanııasynyń 64,5 mln teńge tabysy tárkilendi

<p>KÓKShETAÝ. KAZINFORM &ndash; Aqmola oblysynda tarıf kótergen &laquo;Stepnogor temir joly&raquo; JShS-ne 5 mln teńgege jýyq mólsherde aıyppul salynyp, 64,5 mln teńge tabysy tárkilendi.</p>

Aqmola oblysy boıynsha Básekelestikti qorǵaý jáne damytý departamentiniń málimetinshe, vagondardy kommertsııalyq tekserý qyzmetine monopolııalyq joǵary baǵa belgileý derekteri boıynsha «Stepnogor temir joly» JShS qatysty monopolııaǵa qarsy tergeý júrgizilgen.

«Bıylǵy jyldyń 28 naýryzynda Stepnogor qalalyq sotynyń qaýlysymen JShS QR Ákimshilik quqyq buzýshylyq týraly kodeksiniń 159-baby boıynsha 64 455 194 teńge mólsherinde monopolııalyq tabysy tárkilenip, 4 903 034 teńge somasyna aıyppul túrinde ákimshilik jaýapqa tartyldy. Al 14 mamyrda Aqmola oblystyq sotynyń apellıatsııalyq satysy aıyppul salý týraly qaýly zańdy kúshine endi», - dedi vedomstvodan.

Sonymen qatar departament vagondardy kommertsııalyq tekserý qyzmetine tarıfterdi tómendetý maqsatynda baǵany negizdelgen deńgeıge deıin tómendetý talabymen buzýshylyqtardy toqtatý týraly uıǵarym shyǵardy.

Eske salaıyq, Stepnogorde bank fılıalynyń dırektory men kassıri 255 mln teńgeni jymqyrdy.