Aqmola oblysynda sý basqan aýyldan naýqas áıel qaıyqpen qutqaryldy

<p>KÓKShETAÝ. KAZINFORM &ndash; Aqmola oblysynda sý basqan eldi mekenderden turǵyndardy qutqarý jumysy jalǵasyp jatyr. Staryı Kolýton aýylynda qan qysymy kóterilgen áıeldi qutqarýshylar qaıyqpen alyp shyqqan.</p>

Aqmola oblysy TJD baspasóz qyzmetiniń málimetinshe, Qalqutan (Kalýton) ózeniniń tasýy saldarynan Staryı Kolýton aýylyn sý basqan.

Sonyń saldarynan turǵyndardyń qatynasy qıyndaǵan.

Aýyl turǵyny 65 jastaǵy áıeldiń qan qysymy kóterilip, qutqarýshylardyń kómegine júgindi.

«Shaqyrý boıynsha barǵan Astrahan aýdanynyń TJB bastyǵy Aıat Seralıev bastaǵan qutqarýshylar zeınetkerdi qaıyqpen alyp shyǵyp, jedel járdem brıgadasyna tapsyrdy. Naýqas birden Astana qalasyndaǵy aýrýhanǵa jatqyzyldy. Qutqarýshylardyń shıraq qımylynyń arqasynda naýqas ýaqtyly dárigerlerge qaralyp, qazir jazylyp shyqty», - dedi vedomstvodan.

Aıta ketsek, budan buryn Aqmola oblysynda 100-den astam úıdi sý basqanyn jazǵan edik.